రేపో మాపో రాబోతోన్న ఉత్సవాన్ని
మోసుకు తిరుగుతున్నట్టు ఉంటారు
ఇంకా ఈ డిసెంబరు చివరి రోజులు.
చిన్న కంగారు, కొంత సంతోషం
తెలీనీ, తెలీకపోనీ - ...
ఎదురెళ్ళాలనిపిస్తుంది.
మంచి మాటలే చెప్పాలనీ.
చెట్టుకు వేలాడే పళ్ళను చూసినప్పుడు
గాలికి ఊగే పూవులని చూసినప్పుడు
అమ్మా నాన్నల భుజాల మీద నుండి
లోకాన్ని పరికించే పసివాళ్ళను చూసినప్పుడు
ఊళ్ళు ఊళ్ళు తిరిగొచ్చి
ఇంటి తాళం తీస్తున్నప్పుడు
ఒక సుస్తీ నుండి కోలుకుని
బలం పుంజుకుంటున్నప్పుడు
చీకట్లో గుచ్చిన చూపులను
ఓ నక్షత్రం లాక్కున్నప్పుడు
నీడల్లో నుండి పాటొకటి తాకి
నిర్జన వీధుల్లో పెదాల్ని అల్లుకున్నప్పుడు
నీళ్ళతో మెరిసే చెరువును చూసినప్పుడు
నిండుగా నవ్వి పలకరించిన అపరిచితుడు
ప్రయాణపు తోడై పక్కన కూర్చున్నప్పుడు
నిన్నటి చీకటి చివర
ఓ వెలుగురేఖ నవ్వుతుందని నమ్మకమున్నప్పుడు
ఏం లేదు.
కొంత కుదురు. మనసుకి.
ఉత్సాహమా? అది వెంబడిస్తుంది.
No comments:
Post a Comment