ఇప్పుడంతా ...

డెస్క్ దగ్గర కూర్చుంటే,

కళ్ళకడ్డం పడుతూ -

స్టికీ నోట్స్.

చెయ్యాలనుకున్నవీ, చెయ్యలేకపోతున్నవీ.

అడుగున ఎక్కడో నీ సంతకం. 

మాటలతో పనిలేని గురుతులూ.

"నీకేమైందసలు?" 

* 

ట్రిప్ అడ్వైజర్స్, గ్రూప్ ఫొటోస్

అరణ్యాలు, సముద్రాలు

పగలో రాత్రో, నిద్రపోని ఆకాశాలూ

నీ కళ్ళల్లో..

"ఏయ్! ఎక్కడున్నావ్" 

*

"ఎట్లా తయారయ్యావో తెలుసా!?" 

అడుగులకడ్డం పడే బొమ్మలు

పిల్లాడి అల్లర్లకి కుదురుకోని ఇల్లు. 

అద్దం మీద 

రవ్వలురవ్వలుగా రాలిపడే మంచు

ఎదురుగా నువ్వు. 

లోకం మన్నిస్తుంది. 

నిన్నూ నన్నూ,

ప్రేమనూ..

*